सिड्नीको चाइल्डकेयर केन्द्रमा बालबालिकामाथि कुटपिट गरेको आरोपमा कर्मचारी पक्राउपछि धरौटीमा रिहा
अष्ट्रेलियाको सिड्नीस्थित एक चाइल्डकेयर केन्द्रमा दुई साना बालबालिकालाई थप्पड हानेको आरोप लागेका एक कर्मचारीलाई अदालतले धरौटीमा रिहा गरेको छ।
प्रहरीका अनुसार घटना शुक्रबार सिड्नीको दक्षिण–पश्चिम क्षेत्र पानानियास्थित Montessori Academy मा भएको हो। २४ वर्षीय जयन्द्र शाहीमाथि दिउँसो सुत्ने समयमा दुई बालबालिकाको अनुहारमा थप्पड हानेको आरोप लागेको छ।
अदालतमा पेश गरिएका विवरणअनुसार उक्त घटना चाइल्डकेयर केन्द्रको सीसीटीभी क्यामेरामा कैद भएको थियो। स्थानीय सञ्चारमाध्यमका अनुसार एक अभिभावकले घटनाबारे उजुरी दिएपछि प्रहरी अनुसन्धान सुरु भएको हो।
शाहीविरुद्ध दुई वटा कुटपिटसम्बन्धी आरोप लगाइएको छ। अदालतले आरोपलाई गम्भीर भन्दै बालबालिकाको सुरक्षालाई प्राथमिक चिन्ताको विषय बनाएको जनाएको छ।
धरौटीका सर्तअनुसार शाहीलाई कुनै पनि चाइल्डकेयर केन्द्रमा प्रवेश गर्न प्रतिबन्ध लगाइएको छ। साथै, स्थायी बसोबास अनुमति (Permanent Residency) प्राप्त गर्ने प्रक्रियामा रहेका नेपाली नागरिक शाहीलाई आफ्नो राहदानी बुझाउन पनि आदेश दिइएको छ।
घटनापछि Montessori Academy ले सम्बन्धित कर्मचारीलाई तत्काल निलम्बन गरी पछि सेवाबाट हटाइएको जनाएको छ। संस्थाले प्रहरी तथा नियामक निकायलाई तुरुन्त जानकारी गराइएको पनि उल्लेख गरेको छ।
Primary Source media published : 9News.com.au
Most read
क्यानबेरामा SSDRC काठमाडौँलाई सहयोग जुटाउने उद्देश्यले च्यारिटी डिनर आयोजना हुँदै
आपत्कालीन सहयोग र राजदूतावासको उत्तरदायित्व बढाउन एनआरएनए अस्ट्रेलिया–क्यानाबेराद्वारा नेपालका परराष्ट्रमन्त्रीलाई ज्ञापनपत्र
सिड्नीमा एक्लोपन हटाउँदै नेपालीपनको उत्सव: चितवन सिड्नी बोइजको दशैं विशेष कार्यक्रम
सिड्नीमा ‘Live in Sydney’ The Edge Band को सांगीतिक कार्यक्रम नोभेम्बर २२ मा हुने
Nepal Festival Canberra २०२७ फेब्रुअरी १३ मा हुने इभेन्ट पार्टनरमा Aussie Finance and Home Loans
