अष्ट्रेलिया सरकार द्वारा इरानी महिला फुटबल टोलीका पाँच खेलाडीलाई बस्न अनुमति तथा सुरक्षा प्रबन्ध

By उमेश ढकाल- अस्ट्रेलिया

 क्यानबेरा, अष्ट्रेलिया — अष्ट्रेलिया सरकारले इरानी महिला फुटबल टोलीका पाँच सदस्यलाई अष्ट्रेलियामै बस्न अनुमति दिएको जनाएको छ। सरकारका अनुसार ती खेलाडीहरू यहाँ सुरक्षित छन् र उनीहरूले आफूलाई घर जस्तै महसुस गर्न सक्ने वातावरण उपलब्ध गराइनेछ  जनाएको छ।

अष्ट्रेलियाका प्रधानमन्त्री Anthony Albanese र गृहमन्त्री Tony Burke ले ती खेलाडीहरू सुरक्षित रहेको र अष्ट्रेलियाले उनीहरूलाई संरक्षण दिने बताएका छन्।

सरकारी वक्तव्यमा भनिएको छ, “अल्बानिज सरकारका तर्फबाट इरानी महिला फुटबल टोलीका पाँच खेलाडीलाई अष्ट्रेलियामा बस्न अनुमति गरिएको छ। प्रधानमन्त्री र मन्त्री बर्कले भनेझैं, उनीहरू यहाँ सुरक्षित हुने भएकोले र उनीहरूले आफूलाई यहाँ घरजस्तै महसुस गरेको हुनुपर्छ।।”

सरकारले टोलीका अन्य सदस्यहरूलाई पनि चाहेमा अष्ट्रेलियाली अधिकारीहरूसँग आफ्नो अवस्था बारे छलफल गर्न सक्ने अवसर प्रदान गरिएको जनाएको छ।

सरकारले वक्तव्यमा थपेको छ, “अष्ट्रेलिया इरानका साहसी जनतासँग उभिएको छ।”

 Australian Federal Police को सहयोग

यसैबीच, Australian Federal Police (AFP) ले पछिल्ला ७२ घण्टादेखि इरानी महिला फुटबल टोलीसम्बन्धी विषयमा गृहमन्त्रालयलाई सहयोग गरिरहेको जनाएको छ। यो प्रक्रिया Operation Harbour अन्तर्गत भइरहेको AFP ले जनाएको छ।

AFP ले अष्ट्रेलियामा बसोबास गर्ने इरानी समुदायसँग लामो समयदेखि सहकार्य गर्दै आएको पनि बताएको छ। साथै, समुदायका नेताहरू, गैर–नाफामुखी संस्थाहरू र सर्वसाधारण अष्ट्रेलियाली नागरिकले यस विषयमा देखाएको सहयोग र पहलप्रति धन्यवाद व्यक्त गरिएको छ।

हालका लागि यस विषयमा थप टिप्पणी नगर्ने AFP ले जनाएको छ।

विशेषगरी Iran मा महिला स्वतन्त्रता र खेलकुदमा सहभागितासम्बन्धी विषयहरूलाई लिएर सुरक्षाबारे बढ्दो अन्तर्राष्ट्रिय चिन्ताबीच आएको हो।

Source: AFP