एमसीसी नेपाल कम्प्याक्टअन्तर्गत २३.६६ मिलियन अमेरिकी डलरका सडक मर्मतसम्बन्धी दुई ठूला सम्झौता सम्पन्न

KNA Canberra

मिलेनियम च्यालेन्ज एकाउन्ट नेपाल (एमसीए–नेपाल) ले मिलेनियम च्यालेन्ज कर्पोरेसन (एमसीसी) नेपाल कम्प्याक्टअन्तर्गत सडक मर्मत सम्भारका लागि कुल २३.६६ मिलियन अमेरिकी डलर बराबरका दुई महत्वपूर्ण सम्झौता हालै सम्पन्न भएको घोषणा गरेको छ। यी सम्झौताले नेपालका सडक पूर्वाधारलाई सुदृढ बनाउँदै देशको दीर्घकालीन आर्थिक विकासमा महत्वपूर्ण योगदान पुर्‍याउने अपेक्षा गरिएको छ।

सम्झौताअनुसार २० मिलियन अमेरिकी डलर बराबरको ठेक्का शर्मा–कुमार संयुक्त उद्यम (Joint Venture) लाई प्रदान गरिएको छ, जसअन्तर्गत लुम्बिनी प्रदेशको दाङ जिल्लामा रहेको पूर्व–पश्चिम राजमार्गको Dhankhola–Lamahi खण्ड मा Full-Depth Reclamation and Super pave Technology  प्रयोग गरी सडक पुनःनिर्माण गरिनेछ।

त्यसैगरी, ३.६६ मिलियन अमेरिकी डलर बराबरको अर्को सम्झौता Intercontinental Consultants and Technocrats Pvt. Ltd. (ICT) सँग सम्पन्न गरिएको छ। यस सम्झौताअन्तर्गत उक्त सडक पुनःनिर्माण कार्यको सुपरिवेक्षण तथा नारायणघाट–मुग्लिन सडक खण्ड को आवधिक मर्मतसम्भार गरिनेछ।

सम्झौता हस्ताक्षर समारोहमा नेपाल सरकारका वरिष्ठ अधिकारीहरू, नेपालका लागि अमेरिकी राजदूत Dean Thompson, एमसीए–नेपालका कार्यकारी निर्देशक खड्ग बिष्ट, एमसीसीका उप–देश निर्देशक (नेपाल) सञ्जय पौड्याल, तथा एमसीए–नेपाल बोर्डका सदस्यहरूको उपस्थिति रहेको थियो।

समारोहमा बोल्दै राजदूत Dean Thompson ले परियोजनामा संलग्न सबै पक्षलाई बधाई दिँदै यो पहल एकल लगानीभन्दा पनि धेरै अर्थ राख्ने बताए। उनले यसले अमेरिका–नेपाल साझेदारीको मजबुती, एमसीसी नेपाल कम्प्याक्टको प्रगति, तथा नेपाली जनता र नेपालमा कार्यरत अमेरिकी व्यवसायका लागि समयमै र प्रभावकारी परिणाम प्रदान गर्ने साझा प्रतिबद्धता प्रतिबिम्बित गर्ने उल्लेख गरे।

Data Source: U.S. Embassy, Nepal