केन्द्र न्युज-त्रिवेणी नेपाल चिनारी पुरस्कार कार्यक्रममा सहभागी मध्ये एक लेख रचना
फेरि उदाउने छ घाम, रमाउने छ जून
— सुनिता अधिकारी
धर्तिको माटोमा बेरीदै,
नेपाल आमाको काँखमा हुर्कँदै,
देशले दिएको मायामा
म जनयुद्धको यौद्धा बनेँ,
शिक्षामा क्रान्तिको उपाधि लिएर।
मैले बिर्सेकी छैन पृथ्वीनारायण शाहलाई,
उनका चतुराइका पाठहरूलाई,
सानो सानो गाउँ घुलेर पिएको ज्ञानलाई —
लाग्थ्यो —
सिङ्गो पहाडले मेरो छातीलाई थिचेको थियो।
ब्रह्माको अस्त्रमा कसको के लाग्छ र ?
आज फुटेका छन् हिउँका वर्षाझैँ
माथिका ढुङ्गाहरू,
फरफराउँदै छन् मेरा पखेटा —
बादलले घेरिएको अधेरो हटाउन।
हटेपछि मेरो आँखाबाट त्यो बादल,
निश्छल गगन शान्त थियो।
चन्द्र र सूर्यले दिएको ताप —
कतै मैले बिर्सेकी थिएँ?
रात्रीकालमा देखेका सपना जस्तै,
घामको ताप र जूनसंग लज्जित छु,
निस्सन्देह बिर्सेँ बाबुको घरको ढोका —
क्रान्तिको मायामोहजालमा फसेर।
मेरो नयनबाट बगिरहेको
रातो आँसु, दुखेको मन, फाटेको कलेजो —
दुःख र दरिद्रतामा बाँचिरहेका
भोका पेट र नाङ्गा अंग —
तिमीले के दियौ र मेरो पिडामा ?
म तिम्रो साहाराको आशा गर्दिन।
आज मेरो सपना मारेर,
बालबच्चाको सपनालाई लत्याएर,
थुक्छु — तिम्रो अहङ्कारी सोचमाथि।
के गर्यौ मेरो लासमाथि ?
विजयको उन्मादमा रमाएर ?
हेर ! यहाँ करोडौं सुजन र बिरेन्द्रहरू
फेरि जन्मिदा रगतको खोलो बग्नेछ,
क्रान्तिकारी पुत्रहरू जन्मिनेछन्,
सङ्ग्राम आएर ग्रहण लाग्नेछ,
नवीन किरण फेरि झुल्किनेछ।
गोलीको शिशाले छिया पार्दै
अन्तरमुखी आत्माहरूमा —
कुन दैत्यको बिराजमान थियो ?
दाजुभाइ दिदी–बहिनीका आँसुहरूले रंगिएका ती रङ्ग —
अब कहिले रङ्गीएला ?
चन्द्र–सूर्यको मेरो देश ध्वजाजस्तै।
Most read
क्यानबेरामा SSDRC काठमाडौँलाई सहयोग जुटाउने उद्देश्यले च्यारिटी डिनर आयोजना हुँदै
आपत्कालीन सहयोग र राजदूतावासको उत्तरदायित्व बढाउन एनआरएनए अस्ट्रेलिया–क्यानाबेराद्वारा नेपालका परराष्ट्रमन्त्रीलाई ज्ञापनपत्र
सिड्नीमा एक्लोपन हटाउँदै नेपालीपनको उत्सव: चितवन सिड्नी बोइजको दशैं विशेष कार्यक्रम
सिड्नीमा ‘Live in Sydney’ The Edge Band को सांगीतिक कार्यक्रम नोभेम्बर २२ मा हुने
Nepal Festival Canberra २०२७ फेब्रुअरी १३ मा हुने इभेन्ट पार्टनरमा Aussie Finance and Home Loans
