भीम रावल नेपाली कम्युनिस्ट पार्टीमा प्रवेश तयारी – झाँक्री, श्रेष्ठसहित नेताहरू एमालेमा फर्किए
काठमाडौं, कात्तिक २५ —
मातृभूमि जागरण अभियानका संयोजक भीम रावल आगामी बुधबार नेपाली कम्युनिस्ट पार्टीमा औपचारिक रूपमा प्रवेश गर्न लागेका छन्। राष्ट्रिय सभा गृहमा आयोजना हुने विशेष कार्यक्रममा रावलले आफ्नो समावेशी घोषणा गर्ने तय भएको छ।
यसअघि नेकपा एमालेले आफ्ना पुराना नेताहरूलाई पुनः पार्टीमा फर्कन आह्वान गरेको थियो। तर रावलले एमालेमा नफर्की नयाँ रूपमा एकीकृत हुँदै गएको नेपाली कम्युनिस्ट पार्टी रोज्ने निर्णय गरेका हुन्। आइतबार रावल र नेपाली कम्युनिस्ट पार्टीका शीर्ष नेताहरूबीच भएको छलफल सकारात्मक रहेपछि यो सहमति बनेको बताइएको छ।
यसबीच हालै एमालेले “घर फर्क राष्ट्रिय अभियान” सुरु गर्दै विभिन्न नेताहरूलाई पार्टीमा पुनः भित्र्याएको छ। उक्त अभियान अन्तर्गत रामकुमारी झाँक्री, कृष्णकुमार श्रेष्ठ (किसान) लगायतका नेताहरू एमालेमा पुनः फर्किएका छन्।
सोमबार राष्ट्रिय सभा गृहमा आयोजित कार्यक्रममा एमाले अध्यक्ष केपी शर्मा ओलीले फर्किएका नेताहरूलाई सूर्य चुनाव चिह्न प्रदान गरेका थिए, जबकि प्रवेश गर्ने नेताहरूले प्रतीकात्मक रूपमा कलम चिह्न अध्यक्ष ओलीलाई हस्तान्तरण गरेका थिए।
आगामी बुधबार हुने कार्यक्रममा नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपालले समेत सम्बोधन गर्ने कार्यक्रम तय भएको छ।
Most read
क्यानबेरामा SSDRC काठमाडौँलाई सहयोग जुटाउने उद्देश्यले च्यारिटी डिनर आयोजना हुँदै
आपत्कालीन सहयोग र राजदूतावासको उत्तरदायित्व बढाउन एनआरएनए अस्ट्रेलिया–क्यानाबेराद्वारा नेपालका परराष्ट्रमन्त्रीलाई ज्ञापनपत्र
सिड्नीमा एक्लोपन हटाउँदै नेपालीपनको उत्सव: चितवन सिड्नी बोइजको दशैं विशेष कार्यक्रम
सिड्नीमा ‘Live in Sydney’ The Edge Band को सांगीतिक कार्यक्रम नोभेम्बर २२ मा हुने
Nepal Festival Canberra २०२७ फेब्रुअरी १३ मा हुने इभेन्ट पार्टनरमा Aussie Finance and Home Loans
