लघुकथा – भित्री रहस्य
✍️ नारदप्रसाद आचार्य ‘सुदामा’
मदनले छातीमा घन बजार्दै, गहको डिलमा आँसू रोकेर भन्यो, “के तिमीलाई मलामी चाहिदैन कान्छो?”
मलाई उसको बोलीले चसक्क छोयो । म उसको घरमा पुगेँ । गाउँले नाता भएपनि हामी बंशजकै सन्तान झैँ थियौँ । भन्दा विश्वको ध्यान आकर्षण गर्ने मुलुक। यता आउन मान्छेले जिन्दगीलाई धितो राखे । आख़ीर के का लागी? सायद स्वप्नाको बगैँचामा फूल भुलाउन होला । रहरको खेति उठाउन होला । मनको सानो सन्दुकमा देसको तस्वीर टासेर हिँडियो । प्रातः कालको कलीलो मिरमिरे देखि छिपिएको रात सम्म भाग दौड़मा वित्यो । हेर्दा- खेलाड़ी जस्तै भागाभाग थियो । न सन्तुष्टको श्वास फेर्न पाउनु ।
पैसामा प्रकृति किन्न सकिदैन थ्यो । हावा थियो, वासन थिएन । भाषा थियो , मिठास थिएन । नदी थियो, नदीमा संगीतको धुन थिएनन् । गगन थियो , मृत्तिका थियो तर सुगन्ध थिएन । दिन,रात,साँझ,बिहान,चन्द्र सूर्य र नवग्रह सबै-सबै थिए तर धरा (जन्मभूमि) थिएन । मानव थिए तर मानवता थिएन । म अमेरिकी जीवन देखेर सोच मग्न बनेँ ।
“मनमा लागेका दुःख पीडालाई लुकाएर अपरिचित ब्यक्तिसंग पनि प्रभातको लालि जस्तै खुल्नु पर्छ। ” वसन्तको बाघ झैँ नैराश्य स्वरमा मुना बोली ।
क्षणभरमा पल्लो छिमेकीले उत्सब मनायो । बाजागाजाको धुनहरु सुन्नमा आयो । हामी काकाको दाह संस्कारमा थियौँ । पीडामा साथ दिन कोही आएनन् । स्वार्थको संसार देखेर म तर्सिएँ । बाध्य भएर म बोलेँ, ” यता शव यात्रा हुँदा उता छिमेकीको घरमा उत्सव हुन्छ, मानवता मर्दैन र ? ”
— हेरिस्वर्ग, पेन्सिलभेनिया, संयुक्त राज्य अमेरिका
Most read
क्यानबेरामा SSDRC काठमाडौँलाई सहयोग जुटाउने उद्देश्यले च्यारिटी डिनर आयोजना हुँदै
आपत्कालीन सहयोग र राजदूतावासको उत्तरदायित्व बढाउन एनआरएनए अस्ट्रेलिया–क्यानाबेराद्वारा नेपालका परराष्ट्रमन्त्रीलाई ज्ञापनपत्र
सिड्नीमा एक्लोपन हटाउँदै नेपालीपनको उत्सव: चितवन सिड्नी बोइजको दशैं विशेष कार्यक्रम
सिड्नीमा ‘Live in Sydney’ The Edge Band को सांगीतिक कार्यक्रम नोभेम्बर २२ मा हुने
Nepal Festival Canberra २०२७ फेब्रुअरी १३ मा हुने इभेन्ट पार्टनरमा Aussie Finance and Home Loans
