ह्यारिस्बर्गमा १६० औँ मोती जयन्ती भव्यरूपमा सम्पन्न!
नाराद आचार्य -अमेरिका अगष्ट २३-२०२५।
त्रिवेणी साहित्य मञ्च अमेरिकाको आयोजनामा भर्चुअल माध्यमबाट १६० औं मोती जयन्ती भव्य रुपमा मनाएको छ । कार्यक्रममा गजल विधालाई विशेष प्राथमिकता दिइएको थियो । युवा कवि मोतीराम भट्टले नै नेपाली भाषामा गजलको थालनी गरेको इतिहासलाई स्मरण गर्दै मोतीराम भट्टको संक्षिप्त जीवनी मञ्चका उपाध्यक्ष प्रेम घिमिरेले प्रस्तुत गर्नुभएको थियो । मञ्चका अध्यक्ष केशव बैरागी माइलो , युवा गजलकार निशा पाण्डे , बरिष्ठ साहित्यकार गण्डकी पुत्र, गायक बालकृष्ण न्यौपाने, युवा साहित्यकार त्रिविक्रम न्यौपाने लगायतका सशक्त साहित्य सर्जकहरुको बाक्लो उपस्थिति रहेकोे कार्यक्रममा दर्जन गजल , कविता र मुक्तक वाचन गरिएको थियो ।
शाखा प्रमुख ओम घिमिरेको अध्यक्षतामा रहेको कार्यक्रम मञ्च कै सचिव नाराद आचार्य “सुदामा” ले मिठो शैलीमा संचालन गर्नुभएको थियो ।
उपस्थित सबै सर्जकलाई धन्यवाद ज्ञापन गर्ने क्रममा मोतीराम भट्ट नेपाली साहित्यका धरोहर भएका कारण उहाँ कहिल्यै बिर्सन नहुने भन्दै कार्यक्रम समापन गर्नु भएको थियो ।
Most read
क्यानबेरामा SSDRC काठमाडौँलाई सहयोग जुटाउने उद्देश्यले च्यारिटी डिनर आयोजना हुँदै
आपत्कालीन सहयोग र राजदूतावासको उत्तरदायित्व बढाउन एनआरएनए अस्ट्रेलिया–क्यानाबेराद्वारा नेपालका परराष्ट्रमन्त्रीलाई ज्ञापनपत्र
सिड्नीमा एक्लोपन हटाउँदै नेपालीपनको उत्सव: चितवन सिड्नी बोइजको दशैं विशेष कार्यक्रम
सिड्नीमा ‘Live in Sydney’ The Edge Band को सांगीतिक कार्यक्रम नोभेम्बर २२ मा हुने
Nepal Festival Canberra २०२७ फेब्रुअरी १३ मा हुने इभेन्ट पार्टनरमा Aussie Finance and Home Loans
